الله في عون العبد مدام العبد في عون اخيه
كنت رايح شغلي في يوم وقولت قبل مدخل الشغل أقعد علي قهوه افطر واشرب حاجه دافيه وبعدين اروح ..
خلصت أكل وطلعت موبايلي اقرأ أذكار الصباح، وفي نص ما أنا بردد الحوقلة لاقيت راجل قاعد تحت السلم بيلتفت حواليه وبياكل من الزبالة !
حسيت ضيق الدنيا اتجمَّع وأترمى في صدري، المشهد وقف مُخي عن التفكير ونسيت شغلي تمامًا وجريت عليه، حضنته وقولتله " حضرتك كويس؟ "
فلاقيته بصلي بابتسامة وسابني وقعد في جنب ومتكلمش ، وقفت جمبه زعلان علي حاله فلاقيته بيقول دعاء لأول مرة اسمعه:
" اللهم لا تقطع عنِّا مألوف برَّك وعوائد إحسانك وما ربيتنا عليه من النِّعم "
استغربته جدًا وبقيت مش فاهمه، نِعَمْ إيه اللي بيحمد ربنا عليها؟ فقعدت جنبه على الأرض وقولتله " نِعم إيه اللي بتحمد ربنا عليها؟ "
رد وقالي يابني نعم ربنا علينا كتير بس احنا اللي مش حاسين وبعدين قالي أنا ححكيلك حصل معايا ايه وقال " أنا كان عندي سرطان وكنت باخد كيمياوي بشكل شبه يومي من شدّة تعبي ، وولادي تعبوا مني ومن مصاريفي فمكنش قدامي الا الشارع عشان كل واحد يادوب بيصرف على ولاده ومراته بالعافية،
<><>
وفي يوم وانا في الشارع مكنش معايا الا ٥٠ جنيه فلقيت طفل صغير قاعد يعيط علي جمب ، سألته مالك !!
قالي بابا ميت وماما تعبانه ومعندناش اكل خالص في البيت وانا جعان ماكلتش من امبارح ..
صعب عليا وحسيت بيه وبدون تردد طلعت ال٥٠ جنيه جبتله بيها اكل عيش وطعميه وفول ووصلته لحد المكان اللي عايش فيه ، وفعلا لقيته عايش مع امه المريضه وليه ٣ اخوات كمان صغيرين لسه وكلهم عايشين في اوضه في بدروم قديم ..
جبرت بخاطر الطفل اليتيم ده وقعدت أحمد ربنا على كل بلاء ربنا ابتلاني بيه،
وبعد كام يوم روحت للدكتور وأنا بعيط إن معيش فلوس أخد الجرعه ..
وربنا يستره قالي حديلك الجرعه علي حسابي بس خلينا نحلل الاول قبل الجرعه ..
وتخيل عملي التحليل ولقيته جاي عليا بيعيط ، قولتله خير يا دكتور هو أنا خلاص حموت ولا ايه !!
قالي يا حج التحاليل بتقول انك خلاص مبقتش محتاج كيماوي، مفيش في جسمك اي اثر للمرض ..
الدكاترة كلهم كانوا مش مستبوعين اللي حصل ده ومن الوقت ده عرفت قد إيه ربنا كريم وكمان بيعوَّض! "
وزي ما الصحة رجعتلي بدون حول مني، العوض هيجيلي على طبق من دهب من عنده هو بس .
قومت وسيبته وأنا جوايا يقين إن كل حاجة بتحصل في حياتنا وراها سر عظيم وحكمة مُبهرة، طلعت الكافيه أخد حاجتي لاقيت مديري رن عليا للمرة الخامسة ولسه برد عليه قالي " خليك متجيش، انت اتاخرت عن الاجتماع وخلاص انت اتفصلت من الشركة "
<><>
رجعت بيتي وأنا مش مش مصدق اللي حصلي، ملقتش غير حضن أمي يساع تعبي، لاقيتها طبطبت على راسي وقالت:
" مش يمكن ربنا عمل ده عشان ترجعله وتثق فيه أكتر؟ "
كان الحزن مالي قلبي بس كلام امي هون عليا ..
وبعد كام يوم افتكرت إن عندنا مخزن فاضي تحت بيتنا،
استلفت مبلغ من صاحبي وفتحت المخزن بقالة، وروحت المكان اللي قابلت فيه الراجل ده وجبته شغلته معايا لحد ما قعد في شقة إيجار ، ومن فضل الله المحل كان بيكبر بشكل مُبارك فيه..
وبعد صبر وجبر من ربنا بدل ما كان محل واحد بقي ٣ محلات ، والرزق كان بيمطر من السما زي الرُز وكأن ربنا بيعلمني إن المستحيل بيبقى صعب والصعب بيبقى سهل وكله بالدعاء بيهون ويعدي.
ومن هنا عرفت حاجتين:
١/ الفقير عفيف النَّفس وطاهر النَفَسِ.
٢/ الدعاء فوهة كبيرة تخرج من فتحتها شوائب الاقدار.
ولوهلة تفهم إن ربنا جميل بشكل لا يوصف
.
وفي يوم وانا في الشارع مكنش معايا الا ٥٠ جنيه فلقيت طفل صغير قاعد يعيط علي جمب ، سألته مالك !!
قالي بابا ميت وماما تعبانه ومعندناش اكل خالص في البيت وانا جعان ماكلتش من امبارح ..
صعب عليا وحسيت بيه وبدون تردد طلعت ال٥٠ جنيه جبتله بيها اكل عيش وطعميه وفول ووصلته لحد المكان اللي عايش فيه ، وفعلا لقيته عايش مع امه المريضه وليه ٣ اخوات كمان صغيرين لسه وكلهم عايشين في اوضه في بدروم قديم ..
جبرت بخاطر الطفل اليتيم ده وقعدت أحمد ربنا على كل بلاء ربنا ابتلاني بيه،
وبعد كام يوم روحت للدكتور وأنا بعيط إن معيش فلوس أخد الجرعه ..
وربنا يستره قالي حديلك الجرعه علي حسابي بس خلينا نحلل الاول قبل الجرعه ..
وتخيل عملي التحليل ولقيته جاي عليا بيعيط ، قولتله خير يا دكتور هو أنا خلاص حموت ولا ايه !!
قالي يا حج التحاليل بتقول انك خلاص مبقتش محتاج كيماوي، مفيش في جسمك اي اثر للمرض ..
الدكاترة كلهم كانوا مش مستبوعين اللي حصل ده ومن الوقت ده عرفت قد إيه ربنا كريم وكمان بيعوَّض! "
وزي ما الصحة رجعتلي بدون حول مني، العوض هيجيلي على طبق من دهب من عنده هو بس .
قومت وسيبته وأنا جوايا يقين إن كل حاجة بتحصل في حياتنا وراها سر عظيم وحكمة مُبهرة، طلعت الكافيه أخد حاجتي لاقيت مديري رن عليا للمرة الخامسة ولسه برد عليه قالي " خليك متجيش، انت اتاخرت عن الاجتماع وخلاص انت اتفصلت من الشركة "
<><>
رجعت بيتي وأنا مش مش مصدق اللي حصلي، ملقتش غير حضن أمي يساع تعبي، لاقيتها طبطبت على راسي وقالت:
" مش يمكن ربنا عمل ده عشان ترجعله وتثق فيه أكتر؟ "
كان الحزن مالي قلبي بس كلام امي هون عليا ..
وبعد كام يوم افتكرت إن عندنا مخزن فاضي تحت بيتنا،
استلفت مبلغ من صاحبي وفتحت المخزن بقالة، وروحت المكان اللي قابلت فيه الراجل ده وجبته شغلته معايا لحد ما قعد في شقة إيجار ، ومن فضل الله المحل كان بيكبر بشكل مُبارك فيه..
وبعد صبر وجبر من ربنا بدل ما كان محل واحد بقي ٣ محلات ، والرزق كان بيمطر من السما زي الرُز وكأن ربنا بيعلمني إن المستحيل بيبقى صعب والصعب بيبقى سهل وكله بالدعاء بيهون ويعدي.
ومن هنا عرفت حاجتين:
١/ الفقير عفيف النَّفس وطاهر النَفَسِ.
٢/ الدعاء فوهة كبيرة تخرج من فتحتها شوائب الاقدار.
ولوهلة تفهم إن ربنا جميل بشكل لا يوصف
.